2022母親節禮物排行榜 | 媽媽最想收到10大實用家電推薦！
Mother’s Day母親節禮物2021推薦！
送媽媽必備實用家電
話咁快，又到一年一度對媽媽表孝心嘅大日子 – 母親節！
世上只有媽媽好！媽咪可以話係維繫一個家庭嘅核心，好似小編屋企咁，爸爸有乜想話我，從來唔會自己開口，一定係經媽咪把口講出來。同樣地，我有乜想向老豆表達，都一定係經阿媽通傳俾爸爸知。媽咪喺屋企嘅地位就等同天皇，所以作為臣子嘅子女，就一定要向阿媽「進貢」。除咗每個月上繳家用，就係每年一度嘅母親節。
好多人都到臨急臨忙求其買啲嘢俾媽咪，好心咪咁啦！媽咪一年365日為個家「仆心仆命」，做仔女嘅好應該花啲心思，買一份媽咪會真心鍾意嘅禮物俾佢，而媽咪有乜鍾意得過一部實用又靚仔嘅家庭電器吖！
有啲媽咪鍾意煮飯，見到老公仔女食得開心，佢就心滿意足。好似小編媽咪咁，雖然屋企得「三丁友」，但最低限度都兩餸一湯，每日大大話話喺廚房「磨」足幾粒鐘。如果佢有一部可以同時煮出幾味餸嘅煮食神器，就唔使搞咁耐，可以多啲時間追劇同打麻雀！
1. 識得蒸煮燜燉焗嘅微波爐
微波爐真係好方便，爸爸夜晚食宵夜唔使驚動天皇，自己自得其樂叮個急凍點心，我夜放工返來又可以叮番熱媽咪啲愛心飯餸，唔使佢再次入廚房開鑊。但廚房細，又焗爐、又蒸爐、又微波爐，邊來咁多位擺？！
所以最好就係買機身細細、容量大大、功能多多有齊微波、蒸煮、烤焗嘅多功能蒸烤焗微波爐，咁就「一部頂三部」，蒸魚又得，焗豬扒又得，燜牛腩亦得，容量夠大甚至可以用來燉湯，一家人齊齊滋補下！仲內置48款預設食譜，媽咪只要輕鬆按一個鍵就可以返出廳休息睇下電視、同班auntie ZOOM傾計等開飯！
買部36公升大容量嘅德國寶嵌入式微蒸烤焗爐SGM-3620，即使媽咪叫齊阿姨、姨媽返來打番四圈，哥哥阿嫂返埋來食飯，七個人嘅餸菜都可以喺「執位」嘅短間內一take過搞掂，咁就唔使攤到啲麻雀凍哂啦！
產品詳情：https://www.germanpool.com/chi/products/so_sgm.php?mdl=3620
2. 自動波炒菜唔使阿媽動手
焗爐係好方便，唯一唔識做嘅就係炒菜。如果你媽咪都好似小編媽咪咁，鍾意炒幾味嘅，就要買部炒菜機械人俾佢啦！德國寶智能IH爆炒皇ISF-620，只要放入食材，部機就識360°全自動旋轉爆炒，慳力慳時間，唔使炒到阿媽肩周炎發作！3D立體IH電磁加熱，加上2000W強勁火力，炒餸極快又夠鑊氣，生炒糯米飯好食過大排檔！爐鍋一體化設計，底座只有一個飯煲咁大，唔阻地方，就算300呎屋開放式廚房open kitchen都no problem啦！
產品詳情：https://www.germanpool.com/chi/products/sf_isf.php?mdl=620
3. 傳統廚房CEO媽咪至愛
如果媽咪始終鍾情傳統用鑊來煮餸，就要upgrade屋企廚房來氹下佢老人家喇！煮餸好唔好食，個爐頭好重要！要爆炒夠鑊氣，老火湯夠火喉，爐頭火力係關鍵。唔想媽咪做「黃面婆」，最好就係唔好用明火煮食，電磁電陶爐環保、慳電又安全，一於幫媽咪換咗佢啦！德國寶嵌入式雙頭電磁電陶爐GIH-DD38B，最高火力達5600W，慢燉爆炒無難度，電磁及電陶雙爐合璧，任何物料鍋具全都適用，嚴選德國製造嘅名牌SCHOTT CERAN®耐高溫陶瓷玻璃面板，傳熱快又堅固耐用，仲要係13A插頭設計，唔使搵師傅「針線」駁線，隨插即用最方便！
產品詳情：https://www.germanpool.com/chi/products/ic_gih.php?mdl=dd38b_5600w
4. 爐頭靚都要抽油煙夠勁
傳統煮食，油煙難免，唔想媽咪一頭煙，就要買部優質抽油煙機俾媽媽喇！市面一般抽油煙機只得高中低三檔風速，而且外型「薯薯頓頓」，點滿足到高要求嘅廚房CEO！德國寶超級變頻DC摩打抽油煙機RDC就唔同喇，有25級風速選擇，轉速高達2800轉，可以話係全港至強，DC變頻摩打設計，排氣遇阻力自動增速，不受外間風力影響，八號風球都同樣吸力穩定，仲有手勢開機及控制技術同自動電熱除油清潔功能，清潔方便唔使煩！
產品詳情：https://www.germanpool.com/chi/products/rh_rdc.php?mdl=rdc
5. 冧爆奶奶外母
小編男朋友屋企勁「疊友」，全家返齊哂來十幾廿人，又大又細，就要買部更大容量嘅焗爐先搞得掂。所以，我今年就做個完美嘅「未來新抱仔」，買部有70公升特大容量嘅德國寶多功能蒸烤焗爐SGV-7030孝敬俾伯母 (嘻，應該叫「未來奶奶」先啱！)。坊間一般標準嵌入式尺吋蒸烤焗爐，萬零蚊嘅只得50公升容量，去到70公升嘅要成三、四萬蚊！但德國寶呢部呢，一萬蚊左右就有交易，但又有70公升容量同3000W超強火力，十大預設煮食功能 (蒸煮、燒烤、烘焙、蒸烤樣樣皆能，仲有50個內置食譜，係目前市場上性價比最高！外型又有佢個仔咁靚仔，伯母一定鍾意啦！
產品詳情：https://www.germanpool.com/chi/products/so_sgv.php?mdl=7030
如果屋企人少，又著實唔好買70公升咁大嘅蒸焗爐，無用武之地就無謂啦，但蒸烤焗爐真係方便嘅，所以可以考慮買部細啲size嘅蒸焗爐呀！20公升嘅德國寶多功能蒸烤焗爐SGV-2020，機仔細細，2000W火力超強，仲有齊6大功能：蒸、烤、焗、慢煮、氣炸，加埋23款預設食譜，一按即煮，簡直就係香港現代家居嘅廚房恩物！
產品詳情：https://www.germanpool.com/chi/products/so_sgv.php?mdl=2020
6. 媽咪，你一定要健康啊！
小編最緊張屋企人健康，疫情以來真係步步驚心！疫情以來，出街又驚有菌，返屋企又驚帶埋啲菌入屋，有陣時妄想症發作，好驚媽咪會有事！事實上，我男朋友媽咪就曾經「中招」，連帶全家都要去竹篙灣隔離，真係驚到有得震冇得瞓！所以我話，媽咪你一定要健康啊！屋企添置一部德國寶UVC空氣淨化風扇暖風機EFB-PCTH，機仔細細唔阻地方，外型靚仔時尚high tech，內置UVC殺菌燈同HEPA 13高效濾網過濾細菌病毒，仲冬暖夏涼，一機有齊風扇、暖風機同空氣淨化器嘅功能，外型又靚仔慳位，咁我就多一重安心，媽咪健康就多一重保障啦！
產品詳情：https://www.germanpool.com/chi/products/fan_efb.php?mdl=pcth
新聞啲專家都講過，大家一定要小心唔好冷親，因為患上感冒不但辛苦，仲會削弱免疫力，令病毒有機可乘。咪以為夏天天氣熱就唔會感冒，沖涼嘅水溫千其唔好過低，以免著涼。傳統電熱水爐喺控制水溫方面唔夠精準，有時沖沖下啲水會凍，所以最好換過一部控溫精準、熱水源源不絕、長開長有嘅德國寶即熱式電熱水器DSN俾媽咪，DSN全機德國原廠製造，即開即熱，精準控溫至0.5°C，革命性水流控制技術，啟動流量低至1.5升/分鐘，即使極低水壓都用到，配埋德國寶慳水節能花灑頭，慳水同時不減舒適暢快。多點出水式設計，一個電熱水爐可同時供水到浴室同廚房，媽咪冬天洗碗都唔怕凍到手赤痛！
即熱式電熱水器DSN熱水器詳情：https://www.germanpool.com/chi/products/wh_instant.php?mdl=dsn
慳水節能花灑頭產品詳情：https://www.germanpool.com/chi/products/wh_storage_gpa.php?mdl=shw6
##母親節禮物推薦##母親節2021##母親節禮物##母親節日期##母親節花##母親節優惠##MothersDay##母親節活動##媽媽禮物##母親節2021百貨##母親節2021預購