潮濕季節屋企牆身出水 天花牆角發霉積聚細菌 抽濕機係家居必備 應該點揀適合你的抽濕機

潮濕季節屋企牆身出水 天花牆角發霉積聚細菌

抽濕機係家居必備   應該點揀適合你的抽濕機

每到春夏交接的潮濕回南天，小編就周身唔自在！小編屋企係室內晾衫，近日啲衫晾極唔乾一陣「噏」味(又要重新洗過，喊~)，屋企牆身同天花仲潮濕到「滴汗」和出哂霉點生哂細菌，肉酸又唔衛生，地板「出水」仲好易跣親小朋友同老人家！所以，抽濕機可以話係家家戶戶嘅基本必需品，小編屋企都唔例外！

小編屋企之前裝修，掉咗部老爺抽濕機，而家急著要買番部。逛街眼見抽濕機琳瑯滿目，有選擇困難症嘅我唔知點入手，拿拿淋上網做功課，有好嘢當然要同大家分享！

壓縮式抽濕機VS熱石式抽濕機VS混合式抽濕機

原來，香港市面常見的抽濕機有三種：壓縮式、熱石式，同埋結合壓縮和熱石式嘅混合式抽濕機。三者有咩分別？

壓縮式抽濕機

香港市場上出售的抽濕機大部分以壓縮式為主，運作原理是壓縮機驅動雪種於冷管和散熱管之間循環流動，造成冷暖溫差使空氣中水分先凝結成水滴，滴入抽濕機的水箱，空氣則再經散熱管後變成乾燥及溫暖的空氣排出。

壓縮式抽濕機的好處是耗電量低、抽濕範圍大，而且每日抽濕量高。缺點是壓縮式抽濕機會受溫度影響抽濕表現，例如極冷或極熱的環境下，但由於香港的潮濕季節通常在春夏交接期，氣溫不會太高，所以影響不大。

熱石式抽濕機

利用熱石吸取空氣中的水分，再以發熱器使水分從熱石排出，最後水分冷卻成水滴，滴入抽濕機的儲水箱。

熱石式抽濕機的優點是價錢相對壓縮式抽濕機便宜，亦不受環境溫度影響效能，表現較穩定。然而其耗電量相對高，而且抽濕速度及每日抽濕量相對較低。

混合式抽濕機

混合式是結合壓縮式抽濕機和熱石式抽濕機的特性，會因應不同環境自動轉換抽濕模式。

混合式抽濕機的好處是兼備壓縮式及熱石式的優點，唯缺點是售價貴，機身體積大，而且市面選擇很少。

邊款抽濕機先啱我？抽濕機係咪越大越好？

小編以前心態都同一般群眾心理無別，凡事都覺得「越大越好」，買屋如是，買冷氣機如是，買抽濕機也如是。近年，我領悟到正如做人知足常樂一樣，身外物「夠就是好」。需知抽濕機抽濕量越大，機身亦會越大，而且機身會越重，我一屋老弱婦孺，移動起來會較感吃力。當然，如果你的家居面積大，就應該選購抽濕量大的抽濕機，否則抽極都可能「力不從心」；不過一般小家庭而言，小編認為該以機身輕巧、不「阻掟」為前題。

事實上，抽濕機不論抽濕量大小，理論上都不算耗電量很高的電器，抽濕量大的功率一般由三百餘瓦特至四百餘瓦特，抽濕量小的抽濕機則一般為二百餘瓦特。不過，選購時亦應盡量揀能源標籤高的型號，較慳電的同時亦環保。

小編集網上資料，得出一個概括嘅參考數值俾大家。呢個只係粗略參考，俾大家有個初步idea幾大嘅抽濕機啱你屋企需要。當然，如果你住得近海邊、近山、低漥地帶或者村屋等等特別潮濕嘅地方，就要考慮買一部勁啲嘅型號。

吓？抽濕機除咗抽濕，仲可以清化空氣？！

購買抽濕機除咗考慮抽濕量、水箱大少之外(水箱大唔使頻繁倒水，但機身一定會較大，你自己取捨喇)，小編反而重視抽濕機的功能。

抽濕機顧名思義係用來抽濕，呢個係佢嘅主要功用，但而家咩時勢丫？！疫情仍未完全受控，而即使真係有一日能夠做到清零，未來日子，空氣淨化已經成為生活新常態！

而小編發現，近日市面上的2021新款抽濕機，有啲兼備空氣淨化功能！小資女嘅我素來出名精打細算，用一部機嘅價錢同size，同時買到抽濕機同空清機，一石二鳥，why not？！

抽濕機點樣做到空氣淨化？

市面上有啲新型號抽濕機，兼備空氣淨化功能，呢類空氣淨化抽濕機，有啲採用HEPA 13高效抗菌過濾網，有啲係採用UVC紫外線消毒空氣，有啲係採用負離子技術淨化室內空氣，有啲型號更集兩種空氣淨化功能於一身！

UVC空氣淨化抽濕機，原理係當抽濕機抽入潮濕空氣，會透過強勁UVC照射，高效破壞細菌及微生物DNA結構，殺滅抽濕機體內的細菌，預防霉菌滋生，令抽濕機吹出來嘅空氣潔淨無菌。

具備負離子功能嘅抽濕機，會釋放出高濃度負離子，吸附空氣中嘅懸浮微粒並與之結合成帶電粒子，凝聚成較大顆粒物，變重下墜遠離呼吸區域，從而減低污染物濃度，改善空氣質素。

HEPA 13高效抗菌空氣淨化抽濕機，利用高效HEPA 13濾網過濾空氣中嘅PM2.5懸浮微粒、致敏原同污染物包括細菌病毒，呢點最緊要！

消委會提醒選購抽濕機要注意啲乜

消委會曾做過研究和測試，指出壓縮式及混合式抽濕機在濕度高的情況下效能較佳，然而一般家居在開抽濕機的時候，都會關上窗戶，所以抽濕機運行若干時間後，抽濕量會因室內濕度下降了而減弱。所以，廠商規格上所標示為在溫度 30℃ 及相對濕度 80% 環境下所量度得出的「每日抽濕量」，未必能完全反映實際情況，故此消委會建議消費者應著眼機電工程署指引的標準測試環境下 (即溫度 26.7℃ 及相對濕度 60%)，所量度出的每日抽濕量為準。不過，小編個人又唔覺得咁樣代表廠方「報大數」，只係當室內空間濕度減低，自然就唔會抽到幾十公升水出來啦，呢個都好正常咁。

值得留意嘅係，政府已根據《能源效益 (產品標籤) 條例》推行「強制性能源效益標籤計劃」，市面上現在出售嘅所有「行貨」抽濕機，均貼上由機電工程署發出嘅能源標籤，清楚列明產品效益級別、每年耗電量、抽濕量及能源效率。小編一向唔會買未經機電工程署批核註冊嘅水貨電器，毫無安全保障，分分鐘累己累人累街坊；而且小編仲堅持揀「一級能源標籤」認證嘅型號，慳電之餘亦為環保出一分力！

德國寶纖巧型空氣淨化抽濕機DHM-706S

抽濕量：12升/日*，智能自動濕度控制

UVC及負離子淨化系統，淨化室內空氣

防霉濾網，過濾空氣雜質及污染物

迷你纖巧機身，適合家居每個角落

自動、除濕、送風、乾衣、節能5大模式

360°順滑滾輪，移動式靈活設計

榮獲1級能源標籤，保證慳電節能

https://www.germanpool.com/chi/products/de_dhm.php?mdl=706S

纖巧型空氣淨化抽濕機DHM-914

HEPA 13高效抗菌過濾網

過濾99.9%*空氣中的污染物

負離子淨化系統，淨化室內空氣

抽濕量：25升/日^

4.2升容量特大水箱

24小時連續乾衣功能

榮獲1級能源標籤，保證慳電節能

https://www.germanpool.com/chi/products/de_dhm.php?mdl=914

##抽濕機##空氣淨化抽濕機##二合一抽濕機##抽濕##防潮##防霉##防菌##2021新款抽濕機##一級能源標籤##一級能源##潮濕##負離子淨化##UVC##殺菌##消毒##消委會##HEPA