OT夜收工冇時間煮餸 餐餐出街食好貴又唔健康 買部智能IH爆炒皇 自動炒菜唔使再捱外賣

OT夜收工冇時間煮餸 餐餐出街食好貴又唔健康

買部智能IH爆炒皇 自動炒菜唔使再捱外賣

話說前幾日小編撞到一個舊公司嘅同事，見佢容光煥發，以為佢撈得好掂！點知佢笑謂，你冇見到我兩個月前個樣咋，殘到阿媽都唔認得！點解嘅？佢話疫情下公司裁員，雖然佢幸運唔使食肥雞餐，但工作量多咗一倍，晚晚OT到8pm，佢老婆都一樣，兩公婆放工已經攰到唔識郁，老婆連揸隻鑊鏟都冇力，所以之前唔會喺屋企煮飯，求其買茶餐廳外賣就算。

咁點解而家個樣咁精靈嘅？佢話最近情況有所改善，唔係OT少咗，而係屋企買咗部智能IH爆炒皇，晚晚返到屋企沖完涼就有新鮮熱辣住家餸食！

佢話買之前都諗咗好耐，因為部機話平唔平，要二千幾蚊，不過之前食外賣就算只係茶記，晚晚埋單都要近$150。如果叫Ubereats、Foodpanda、Deliveroo一類就仲貴，冇$200-300都食唔飽，加埋交租、俾家用阿媽、交通費，每個月都孟孟緊，諗起都愁。自從買咗智能IH爆炒皇之後，屋企好似有個煮飯機械人咁，而家weekend放假同老婆去超市買定一個星期嘅餸已成為拍拖sweet節目，感覺好溫馨！

燜咖喱牛腩、茄汁煎蝦碌、滑蛋炒帶子、小炒皇...可以天天新款，圍起每餐$50已經可以食得幾豐富，加上冇味精、又唔使擔心菜同肉嘅來源，食得安心又可以少糖少鹽少油，健康好多，唔使再食味精夜晚仲好瞓咗，人都精神咗。每個月淨係晚餐已經慳到$3000，儲埋去旅行都好！

放假仲會花心思，用爆炒皇煮啲平時食唔到嘅菜式，避風塘炒蟹、椒鹽瀬尿蝦、屋企自製pizza、西班牙大鑊飯都冇難度，而爆炒皇生炒臘味糯米飯連媽咪都讚好似街買咁好食！

德國寶智能IH爆炒皇ISF-620講真確係好用，360°全自動旋轉爆炒，慳力慳時間，2000W強勁火力自動煎、炒、燜、燉，唔使睇火，個掣去沖涼，沖完出來已經有得食，爆炒仲好夠鑊氣添！易潔塗層煲身又容易洗，加埋爆炒皇向高發展嘅設計好慳位，底座只有一個飯煲咁大嘅面積，廚房再細都擺得落，完全合符生活忙碌但又想食得健康嘅香港人要求！

產品詳情：https://www.germanpool.com/chi/products/sf_isf.php?mdl=620

##炒菜機##煮飯機械人##唔想食外賣##健康飲食##健康生活##住家餸##入廚##外賣##廚房電器##煮食電器##多功能電器##ubereats##deliveroo##foodpanda#爆炒皇 #自動炒菜 #自動煮食 #炒米茶 #炒米粉 #炒飯 #炒烏冬 #炒麵 #炒蛋 #炒牛肉 #炒菜 #手痛