師傅教路 開冷氣點樣最慳錢 德國寶師傅教路 拆解空調能源效益 如何由買到用 慳錢、慳電、慳電費

師傅教路 開冷氣點樣最慳錢

德國寶師傅教路   拆解空調能源效益

如何由買到用     慳錢、慳電、慳電費

小編同好多打工仔一樣，每年夏天最「期待」就係八號風球，因為可以無啦啦多一日假期，喺屋企煲劇或者同屋企人打場「打風麻雀」！呢啲天賜嘅小恩小惠，已足夠小編樂上一天！

今年將會熱到跳舞！

尋日睇新聞，天文台預測，由於全球變暖global warming，今年的全年平均溫度會較正常高，而且今年風季來得早，六月前就會有颱風襲港，今年更會有5-8個颱風之多！

天文台長鄭楚明更估計，今年有機會打入十大平均溫度最暖的一年！換句話說，呢個夏天可能會「熱到跳舞」！

睇番去年天氣，香港有多達11個月氣溫較正常溫暖，打破多個高溫紀錄，熱夜（當日最低氣溫維持在28度或以上）多達50日，而酷熱天氣（當日最高氣溫達33度或以上）亦多達47日，熱夜和酷熱天氣日子都創本港有紀錄以來新高。

香港地少人多，居住環境擠迫，加上很多高樓大廈形成屏風效應，室內環境真係又熱又焗。日頭返工咁攰，如果夜晚瞓得唔好，真係人都癲！加上疫情影響，假日都盡量留喺屋企少出街，想夜晚有覺好瞓，周末可以喺屋企好好充電，冷氣空調絕對唔少得！

冷氣絕對唔少得！

小編奉勸，想安安樂樂渡過這個炎炎夏季，而家就好買冷氣喇！所謂早買早享受，千其唔好諗住等到熱先來裝，一到夏天係裝冷氣旺季，排期送貨同師傅安裝分分鐘等幾個星期！加上一遇上打風落雨，師傅係無法裝機的 (危險唔在講，打膠邊封玻璃唔乾！)

師傅教路      冷氣慳電貼士

冷氣日開夜開，舒服就舒服喇，不過收到電費單嗰陣，小編真係心都離埋！有乜招數可以喺不減冷氣享受嘅同時，慳到電費慳到錢？

小編就特登去請教德國寶師傅，開冷氣有咩秘訣，點樣先可以做到最慳電、最慳錢？

貼士1：冷氣機 + 風扇一齊用

電風扇耗電量只有冷氣機嘅5-10%，開冷氣再開埋風扇，加快空氣流動，空間會涼得更快，咁就可以將冷氣機溫度調高2-3 度，唔覺唔覺，每個月可以慳到$50-80電！

另外，開冷氣之前先將電風扇面向窗外，利用負壓將室內嘅悶熱空氣吹走，然後至開冷氣，可加快降溫散熱，亦係另一個慳電辦法。

如果間房唔通風，又想提升空氣循環，可以將風扇擺放喺角落，面向對角，即最長的直線距離，利用最大送風距離，俾氣流吹遍整個房間，有助驅散熱氣濕氣，冷氣亦會更涼爽。

貼士2：瞓覺前將冷氣溫度調高 + 睡前一小時熄冷氣

熟睡之後，人嘅體溫會稍為下降，所以睡前不妨將冷氣溫度調高少少；另外，如果冷氣有時間掣，可以考慮set時間喺起床前一小時熄機，因為室溫應可保持一段時間，足夠你涼到起身返工，又可以慳到電費。

貼士3：冷氣機保養得好都慳到電

每隔兩個星期就清洗冷氣機隔塵網，及用舊牙刷輕擦入風口和出風口，可防止氣流受阻、影響冷氣機效能。另外，每年安排專業師傅清洗冷氣，及搵有經驗的技師檢查、保養及維修冷氣機，只要你錫住部冷氣，部冷氣就會錫住你荷包！

師傅仲教，每年入秋，停用冷氣機前，先將冷氣機調至風扇（fan）模式運行4小時，吹乾機內零件，咁出年再開冷氣嗰陣，部冷氣機就能保持最佳狀態，同時可防止霉菌滋生。

貼士4：盡量唔好曬住部冷氣機

冷氣機嘅安裝位置都會影響耗電量，如果安裝喺陽光直接照射到嘅位置，冷氣散熱效率就會降低，用電量會相應增加約16.5%！所以，最好可以揀個通風好、無日光直接照射嘅位置安裝冷氣機。如果冇得揀，可考慮加裝遮陽篷來保護冷氣機不受太陽直射，同時也可避免雨淋，延長冷氣機壽命。另外，冷氣最好避免裝喺靠近其他熱源嘅位置。

貼士5：冷氣調高1度 可以慳10%電費

涼度舒適啱啱好就夠，冷氣溫度開高一度原來可慳電費7%-10%！而且溫度調得太低，會令冷氣機的壓縮機長時間處於高效率下運作，影響壓縮機的壽命，部冷氣機會冇咁「襟用」。

在健康方面，冷氣調得冇咁凍，都可以有助防止因室內外溫差過大而患病感冒，即係俗稱嘅「冷氣病」。

貼士6：冷氣機唔係匹數越大就越好

俗語有謂「冇咁大個頭，唔好戴咁大頂帽」，其實揀冷氣機都一樣，冷氣機嘅BTU應該同房間面積成比例。師傅就俾咗個參考大家 (如果房間西曬，可以考慮裝高一個級別)：

師傅又提點，2匹以上的冷氣機因為馬力大，難免會比較響，如果想要靜的就要多加考慮了。

貼士7：唔用嗰陣關掉所有備用電 可再慳電多10%

你知唔知，原來一般電器的備用電源，已經佔家居總用電量5至10%！所以想慳錢，最好將唔用嘅電器總掣關掉，拔掉插頭。冷氣都係一樣，用遙控器熄機之後，冷氣機仍處於備用狀態，所以出街之前最好熄咗冷氣機身上嘅開關掣。

同樣地，電視機、電腦都係一樣，如果長期只用遙控器熄機，或進入待機模式，充電器長期安插住電源，其實電器都係處於備用或待機模式，加加埋埋耗電量可以佔家居總用電量5至10%！

冷氣機安裝及使用貼士

師傅仲教，好多人為咗想慳錢，將冷氣機時開時熄，但原來師傅話咁樣反而嘥電，因為每次啟動冷氣機，壓縮機都要重新運轉，加大壓縮機負荷，仲令壓縮機容易壞！反而，冷氣機開咗一陣之後，如果覺得太涼，唔一定要閂機，而係將設定溫度調高，或者將風量改中、低風，咁樣既可減少耗電，亦可以降低噪音。

安裝冷氣機需知：

s  必須搵含資格安裝技師進行安裝，切勿DIY，裝得唔穩妥，十號風球分分鐘成部機吹咗入屋或者吹咗落街！

s  如果冷氣機由固定線路供電(俗稱「簪線」)，必須由註冊電業承辦商接駁，千其唔好膽粗粗自己駁線 (原來真係有呢啲人！)

s  冷氣機功率大，絕對不可跟其他電器共用插座，否則跳掣事少，火燭事大！

s  若發現冷氣機操作不正常(例如噪音或震動過大、有異味)，應立即停用及安排專業人員維修。

而家買冷氣機      幫你慳到盡

為惠及大家喺炎夏來臨前裝好新冷氣「避暑」，德國寶由3月25至4月25日期間，於德國寶陳列室及德國寶網店同時舉行「清爽春夏大割引」優惠，凡於德國寶九龍灣、灣仔、土瓜灣線下陳列中心購買指定型號冷氣、風扇或抽濕機產品，即享低至6折優惠，再加送豐富贈品*，而德國寶eStore亦會同步勁減，O2O線上線下，即買即享受！數量有限，咪走寶呀！

德國寶窗口式空調WAC-407

製冷能力：7,165 BTU/h | 2.10 kW (¾匹)

適用面積達 6-10 m²

抽濕能力 0.8 L/h

防水級別 IPX4

(3年全機保用，5年壓縮機保用)

https://www.germanpool.com/chi/products/ac_wac.php?mdl=407

《同場加映》

消委會教路 冷氣使用貼士

除咗德國寶師傅教路，小編亦上消委會網頁搜集咗一啲冷氣使用貼士，同大家分享：

1. 避免將冷氣機安裝在陽光直接照射的地方。

2. 切勿阻擋冷氣機的進氣口及出風口。

3. 可拉上窗簾避免陽光直接照射室內，盡量關閉門窗以保持室內溫度。

4. 盡量關上窗口式冷氣機的通風口，可減少冷空氣流失或室外熱氣進入室內。

5. 盡量設定在最高風速檔，以發揮冷氣機的最佳性能，達至最慳電效果，只在瞓覺時才使用較低風速檔以換取寧靜。

<s